Sanoma almmuha sámegielat e-girjjiid ja Vulle Vuojažii

Sanoma almmuha sámegielat e-girjjiid ja Vulle Vuojažii
Outi Paadar

Sámi álbmotbeaivvi gudnin Sanoma almmuha digitálalaš mánáid máinnasgirjerádjosii (Lasten oma satukirjasto) anáraš-, davvisáme- ja nuortalašgillii girjjid nuvttá.

Siiddus gávdno Marjatta Palismaa máinnasgirji Áhkubiebmu maid anárašgillii ja nuortalašgillii, Satu ja Elina Moshnikoff girji Õõmâs sijdd ja Satu Moshnikoff girji Njuämmlaž njoikk.

Juohke mánás galggašii leat vejolašvuohta beassat vásihit lohkanilu ja máidnasiid diidamáilmmi iežas gillii.

- Mánáid lohkama, lohkandáiddu ja eatnigiela máhtu doarjun leat min doaimma váibmosis, lohká Sanoma goasttideaddji Kids Media hoavda Ulla Leppä.

- Maŋŋelis lasihuvvojit girjjit sámevuođas maid danin, vai sápmelaččat ja sámegielat šaddet oahpisin buot mánáide, joatká Leppä.

Sámi álbmotbeaivvi gudnin Sanoma almmuha maid golbma sámegielat Vulle Vuojaš -ráidogova, maid beassá lohkat nuvttá guovvamánu áigge. Sanoma Vulle Vuojažat gávdnojit dáppe

Dál viimmat sáhttá lohkat ja guldalit Disney dovddus Frozen -čoaska fearánat –máidnasa davvisámegillii. Máidnasa lea lohkan jitnosii Áile-Risten Holmberg. Sanoma e-girjjit gávdnojit dáppe

- Mun lean válljen almmuhit Frozen –girjji dušše davvisámegillii, njulge doaimmahushoavda Viia Viitanen.

- Válljejin almmuhit digitálalaččat danin, go dalle dasa sáhttá laktit jietnabátti, lasiha son.

Sanoma gearggai fidnet sámegielat Frozena válmmašin álbmotbeaivái. Viitasa mielde Disneys ii leat mihkkige girjji deaddileami vuostá, muhto dan birra ii leat fal leamaš sáhka danin go válljiimet almmuhit e-girjji.

Mistä on kyse?

Sanoma julkaisee saamenkielisiä e-kirjoja ja Aku Ankkoja

Sanoman digitaaliseen Lasten Omaan Satukirjastoon on lisätty inarin-, koltan-, ja pohjoissaamenkielisiä kirjoja.

Saamenkieliset e-kirjat ovat vapaasti luettavissa.

Sanoman Aku Ankka Lataamossa lataamo.akuankka.fi julkaistaan tänään vietettävän saamelaisten kansallispäivän kunniaksi kolme saamenkielistä sarjakuvaa, jotka ovat helmikuun ajan vapaasti luettavissa.


Kirjoita kommentti

Perustele, kirjoita selkeästi, älä vähättele ihmisiä, ÄLÄ HUUDA. Pysy aiheessa ja muista käytöstavat. Kommentit luetaan ja tarvittaessa muokataan ennen julkaisua.

Meillä on nollatoleranssi alatyyliselle ilmaisulle, henkilöön käyvälle arvostelulle ja vihamielisyydelle. Emme julkaise kommentteja, joiden ainoa sisältö on negatiivinen mielipide vailla perusteluja. Jätämme julkaisematta myös ne kommentit, joissa ei lainkaan piitata oikeinkirjoituksesta kuten isoista alkukirjaimista tai välilyönneistä.

Kiitos etukäteen rakentavasta kommentistasi!

Lue myös