Ráđđádallet Sameblod čájeheami birra

Ráđđádallet Sameblod čájeheami birra
Outi Paadar

Dál ii leat vel čielgan čájehuvvogo Amanda Kernell bálkkašuvvon filbma Sameblod (Saemien vïrre) Suoma ealligovvateáhteriin.

- Mii leat ráđđádallagoahtán vejolaš filbmamárkanastin, lohká Katarina Nyman Nordisk Film fitnodagas.

- Muhto dál eat sáhte vel dadjat čájehuvvogo Sameblod, go fertet vuos gávdnat vuollemárkanasti filbmii, čilge Nyman.

Filbma muitala nuorra Elle Márjjás 1930-logu Ruoŧas. Son lea šaddan boazobearrašis ja vázzá oappáinis Njennain ásodatskuvlla. Elle Márjá niegada eará eallimis ja háliidivčče joatkit skuvlavázzima.

Skuvllas soai šaddaba oasálastit nállebiologalaš dutkamušaide. Vásáhusa maŋŋá Elle Márjá mearrida guođđit buot ja šaddat ruoŧŧilažžan. Son suoláda ruoŧŧilaš oahpaheaddji Christina Lajlera čuvlla sihke identitehta, boaldá gávttis ja gárgida Uppsala gávpogiid.

Sameblod lea vuosttas ealligovva mas hállojuvvo máttasámegiella.

Ealligova lea bagadan ja giehtačállosa čállán Amanda Kernell. Váldobuvttadeaddji lea Lars G. Lindström Ruoŧa Nordisk Film Productionis ja mielbuvttadeaddji lea Oskar Östergren Bautafilmmas, Ruoŧas.

Filbma lea bálkkašuvvon ee. Göteborg, Tokio ja Venezia filbmafestiválain.

Sameblod leat čájehan Dánmárkkus, Norggas ja Ruoŧas njukčamánu álggu rájes.

Sameblod elokuvalle haetaan alilevittäjää

Nordisk Film hakee alilevittäjää Amanda Kernellin Sameblod elokuvalle.

Elokuva kertoo nuoresta poronhoitajaperheen tyttärestä, Elle Marjasta, joka joutuu koulussa rotubiologisiin tutkimuksiin. Kokemusten jälkeen hän päättää jättää kaiken ja muuttua ruotsalaiseksi.


Kirjoita kommentti

Perustele, kirjoita selkeästi, älä vähättele ihmisiä, ÄLÄ HUUDA. Pysy aiheessa ja muista käytöstavat. Kommentit luetaan ja tarvittaessa muokataan ennen julkaisua.

Meillä on nollatoleranssi alatyyliselle ilmaisulle, henkilöön käyvälle arvostelulle ja vihamielisyydelle. Emme julkaise kommentteja, joiden ainoa sisältö on negatiivinen mielipide vailla perusteluja. Jätämme julkaisematta myös ne kommentit, joissa ei lainkaan piitata oikeinkirjoituksesta kuten isoista alkukirjaimista tai välilyönneistä.

Kiitos etukäteen rakentavasta kommentistasi!

Lue myös