Filmkompaniet lágádus lea ráhkadeamen Muumi juovlafilmma, mii galggašii lea gárvvis boahtte juovllaide.
Tom Carpelan Filmkompanietis muitala ahte sii leat plánen ahte filbma dubbejuvvošii maid sámegillii. Davvisámegiella lea válljejuvvon danin go dat giella fátmmasta eanemusat.
- Diehtit ahte sámegillii lea nu uhccán mánáid filmmat, de háliideimmet váldit sámegielat dása mielde, lohká Carpelan.
- Jurdda livčče ahte dát šaddá juovlafilbman ja dan sáhtašii de čájehit juovllaid áigge juohke juovllaid, smiehtada Carpelan.
Filbma muitala das, go Muumistállu háliida gohcit dálvvi ja vásihit dan. Muumivággái lea boahtimin guossin muhtun gean namma lea Juovllat. Filbmaseavtti sáhttá geahččat Moomins at Christmas –ruovttusiiddus.
Dubben lea divrras de sámegiela dubbema ruhtadeami várás Filmkompaniet ohcá ruhtadeami.
- Ruhtadeapmi ii lea vel áibbas čielggas, muhto geahččalit ohcat dasa čovdosa.
Dan oktavuođas lea almmuhuvvon YouTube bálvalussii Muumii juovlalávlla, man namma lea Muohte fal! Lávlaga lávlu Maxida Märak . Lávlaga leat bádden ja almmuhan 23 gillii, ja sámegiella lea válljejuvvo mielde. Lávlaga lea čállán beakkán suoma musihkkár Paula Vesala ja musihka lea bidjan Jori Sjöroos . Suomagillii lávlla lea Talvimaa ja dan lávlu Diandra .
Filbma vuođđuduvvá Tove Janssona girjjiide.
Muumien joulufilmi myös saameksi
Muumien joulufilmi Moomins at Christmas dubattaneen myös saameksi, jos rahoitus siihen järjestyy. Joulufilmi julkaistaan elokuvateattereihin ensi jouluksi.
Filmiin liittyvä laulu Bring the Snow on käännetty myös saameksi YouTubessa Muohte fal! Laulun laulaa Maxida Märak ja se on julkaistu yhteensä 23 kielellä.
