Mánáidprográmma Unnan Junná ođastusat

Mánáidprográmma Unnan Junná ođastusat
Outi Paadar

Unna Junná sáddenáigi rievdá Yle TV 2-kanálas. Dán giđa ođđa sáddenáigi lea 20.2. rájes vuossárggaid diibmu 8.35. Seamma prográmma sáddejuvvo nuppádassii čuovvovaš sotnabeaivve 8.15 Yle Fem-kanálas.

Prográmma sáhttá geahččat Yle Areenas 30 beaivve sáddaga maŋŋá.

Lassin dán giđa beassat geahččat unnit mánáide oaivvilduvvon Binnabánnáš -ráiddu. Binnabánnaš lea NRK Sámi mánáid TV ođđa ráidu, mas Binnabánnaš buđaldallá iežas skihpáriin Ujjujuin ja seammás oahpaha mánáide ođđa sániid ja doahpagiid. Binnabánnáža sáhttet čuovvut sihke unnit ja stuorát mánát.

Unna Junná ođđa láidesteaddjijovkui searvá Anna Lumikivi. Son lea bargan sámemusihkain jo mánnávuođa rájes. Son lea vázzán Sámi oahpahusguovddáža ja lea bargamen iežas mánáidmusihkkaskearruin. Eará láidesteaddji jotket oahpes prográmmajođiheaddjit nappo Heli Huovinen, Irene Länsman ja Niki Rasmus.

Dán giđa Unna Junnás oaidná Ima mánážat -skearru musihkaid anáraš- ja nuortalašgillii. Lávlagat leat govviduvvon ja báddejuvvon Ima da Tiina päärnä ja Ima ja Heli pärnääh -konsearttas ođđajagimánu loahpa geahčen. Unna Junná -prográmmain leat mielde maid Sámi oahpahusguovddáža medialinjá animašuvnnat ja Unna Junná iežas Sáhpán dahje Säppli, Säplig.

Maŋŋelabbos giđđat, njukčamánu loahpas Unna Junnás álgá ráidu, mas sierra guovlluid mánát čájehit iežaset gávttiid ja muitalit maid sii jurddašit.

Geahča Unna Junná vuossárgga 20.2. diibmu 8.35.

Mistä on kyse?

Unna Junná lastenohjelmaan uudistuksia

Unna Junnán uusi lähetysaika Yle TV 2:lla on maanantaisin klo 8.35. Uusinta aina seuraavana sunnuntaina Yle Femmalla klo 8.15. Uutena juontajana aloittaa Anna Lumikivi.

Uutena hahmona aloitta Binnabánnaš (pienen pieni), joka on NRK Sápmin tuottaman lasten-tv:n Mánáid TV:n uusi sarja. Unna Junnássa nähdään myös Ima mánážat-levyn laulut inarin- ja koltansaameksi.


Kirjoita kommentti

Perustele, kirjoita selkeästi, älä vähättele ihmisiä, ÄLÄ HUUDA. Pysy aiheessa ja muista käytöstavat. Kommentit luetaan ja tarvittaessa muokataan ennen julkaisua.

Meillä on nollatoleranssi alatyyliselle ilmaisulle, henkilöön käyvälle arvostelulle ja vihamielisyydelle. Emme julkaise kommentteja, joiden ainoa sisältö on negatiivinen mielipide vailla perusteluja. Jätämme julkaisematta myös ne kommentit, joissa ei lainkaan piitata oikeinkirjoituksesta kuten isoista alkukirjaimista tai välilyönneistä.

Kiitos etukäteen rakentavasta kommentistasi!

Lue myös