Gáldoaivvi bálgesa heargi Nigga vuittii dán jagáš Roavenjárgga boazocup-oassegilvvu báhkka luohká A-finála. Hearggi oamasta Eveliina Länsman ja vuodjá Hanna Mikkola .
Nubbin báhkka luohkás bođii Isosydänmaa bálgesa heargi Mellakka, man oamasta Hannu Krupula ja vuodjá Marko Tervaniemi . Goalmmádin bođii diimmá gonagasheargi Ote Kiimiki-Kollaja bálgesis. Ote oamasta Jouni Kyrönniemi ja vuodjá Eero Päkkilä. Lávvordaga falimus heargi Báišduoddara bálgesa Ražan, man sihke vuodjá ja oamasta Uula-Petteri Somby, hilgojuvvui sotnabeaivve nuppi vuolgagis.
Rabas luohká vuittii Reima Jääskö bálgesis. Reima oamasta Lauri Ollila ja vuodjá Niko Kovalainen . Nubbin rabas luohkás bođii Sállevári heargi Gamu, man oamasta Paulus Aikio ja vuodjá Seija Matero . Goalmmádin bođii Jätte B. Sattasniemi bálgesis. Jätte B. oamasta Laitila/Kuukasjärvi ja vuodjá Hanna Mikkola .
