Ealli arkiiva čohkke min oktasaš kulturárbbi

Yle Sápmi
Ealli arkiiva čohkke min oktasaš kulturárbbi

Doaimmaheaddjit Jouni Aikio ja Sara Wesslin leaba digitaliseren báttiid Ealli arkiivii.

Outi Paadar

Yle Sápmi almmuha sámi álbmotbeaivve Ealli arkiiva, mii lea sámegielat vuorkáprográmmafálaldat interneahtas. Doppe gávdná Sámerádio báddevuorkká rádioságáid iešguđege sámegillii. Álggos almmuhuvvojit 15 artihkkala ja dađistaga almmuhuvvojit lasi.

- Dát lea min oktasaš kollektiiva muitu ja árbi, mas Yle Sápmi váldá vára ja hálddaša, dadjá Yle Sámi hoavda Maria Saijets.

Doaimmaheaddji Jouni Aikio lea bargan arkiiva áššiiguin jagi.

- Dál leat easkka beassan johtui go studiobáttiid digitaliserenproseassa lea ádjás bargu, Aikio čilge.

Suomagilli doaibmá juo Elävä arkisto ja sámegielat siiddut doaibmet sullii seammá láhkai go suomagielat siiddutge.

Maid doppe sáhttá guldalit?

Ellee arkkâdâh čohkke anárašgielat rádioságáid, mat fidnejedje fásta báikki sámerádio prográmmaid siste jagis 1983.

- Doppe sáhttá guldalit vuosttas, fásta anárašgielat rádiosáddaga man Ella Sarre doaimmahii ja dat bistá sullii 10-15 minuhta, muitala Aikio. Guldal Ellee arkkâdâh ságaid dás.

Ealli arkiiva –siiddus sáhttá guldalit Ohcejoga skuvladoaimma 100-jagi ávvudandoaluin jagis 1978.Doppe jearahallojuvvoba ee. Oahpatii Hánsa ja Uula Tenopuro.

- Doppe gávdno maid presideanta Urho Kekkosa muittašeapmi jagis 1986, muitala Aikio. Guldal Ealli arkiivva ságaid dás.

Jieʹlli arkiiv –siiddus fas sáhttá guldalit vuosttas nuortalašgielat Säämas rádiosáddaga, man Elli Rantala doaimmahii čakčat 1973. Guldal Jieʹlli arkiiv ságaid dás.

Mistä on kyse?

Saamenkielinen Elävä arkisto

Ealli arkiiva / Jieʹlli arkiiv / Ellee arkkâdâh on saamenkielinen arkistoaineiston julkaisupaikka Ylen sivustolla.

Nettisivuilla julkaistaan 6.2.2017 alkaen Saamen radion nauha-arkiston radio-ohjelmia inarin-, koltan- ja pohjoissaamenkielellä.


Kirjoita kommentti

Perustele, kirjoita selkeästi, älä vähättele ihmisiä, ÄLÄ HUUDA. Pysy aiheessa ja muista käytöstavat. Kommentit luetaan ja tarvittaessa muokataan ennen julkaisua.

Meillä on nollatoleranssi alatyyliselle ilmaisulle, henkilöön käyvälle arvostelulle ja vihamielisyydelle. Emme julkaise kommentteja, joiden ainoa sisältö on negatiivinen mielipide vailla perusteluja. Jätämme julkaisematta myös ne kommentit, joissa ei lainkaan piitata oikeinkirjoituksesta kuten isoista alkukirjaimista tai välilyönneistä.

Kiitos etukäteen rakentavasta kommentistasi!

Lue myös