Musihkar ja aktivista Bob Geldof lei mannan vahkuloahpa Norgga Sámedikki guossin Kárášjogas. Geldof oahpásmuvai earret eará Norgga Sámedikki vistái ja sápmelaččaid riektedillái.
NRK Sápmi muitala, ahte Geldof lei hui beroštuvvan gullat mo sámekultuvra ceavzá Norggas. Son hálidii diehtit sulastahttágo sámiid dilli kurdaid, palestiinná-laččaid ja aboriginálaid dillái. Geldof mielde ledje maid iežát The Boomtown Rats -joavkku lahtut.
Irlándalaš Geldof lea dovddus humanitáralaš barggustis Afrihká geafes olbmuid ovdii. Son barggai 1980-logus ovttas Midge Urein beakkán “Do They Know It’s Christmas?" -bihtá, mii lea okta eanemusat vuvdojuvvon bihtáin Stuora-Britannias. Bihtá buot sisaboađut skeŋkejuvvoje buorredagolašvuhtii. Geldof ordnii dalle maiddái stuora Live Aid -nammasaš buorredagolaš-vuohtakonsearttaid masa oassálaste 1980-logu beakkámus musihkkanásttit, ee. Queen, U2 ja David Bowie .
