Outi Paadar

Skábmagovaid áigge čájehedje dattege ođđa dokumeantta Nils-Aslak Valkeapää, Áillohaš rohki birra.

Gunilla Bresky bagadan Beaivvi bárdni lea liekkus ja binnáš intiima dokumeanta, mas buorit ustibat muittašit Áillohačča. Juohkehaš oažžu ráfis muittašit mo son lei. Sáni saji fidnejit midjiide máŋga oahpes olbmo ja danin dokumeanta várra boahtáge nu lahka. Erenoamážit Synnøve Persena sánit báhcet millii.

Dokumeanta muitala Áillohačča eallimis mánnávuođas gitta hávdádeami rádjai. Beassat oaidnit su gávvilis geahčastaga muhto maid dan duođalaš Áillohačča. Mii leat várra hárjánan dasa ahte son lei dáiddár, muhto sonhan lei maid oahppan oahpaheaddji. Álbmoga ginttal, nugo lávejit lohkat. Son dáiddii leat sámi álbmoga ginttal. Iige dušše ginttal go ofelaš.

Dokumeanttas boahtá bures ovdan dat, man dehálaš ja mearkkašahtti barggu son lea bargan sámi servodagas nu politihkalaččat go dáiddalaččat. Áillohaš lea leamaš mielde gállimin luotta sámi politihkas ja sápmelaččaid geainnu álgoálbmotpolitihkkii. Sápmelaččat oasálaste vuosttas máilmmi álgoálbmogiid čoahkkimii Kanadas 1975 ja Áillohaš juoiggai min eará álgoálbmogiid áddejupmái.

Sámi dáidagis háladettiin Áillohačča ii sáhte garvit.Son lei mielde Nils Gaupa bagadan Ofelaš filmmas, bijai dasa rahpanluođi ja neavttašii das. Beassat guhká vel lohkat Áillohačča girjjiid, guldalit su musihka, geahččat su málen govaid ja filmmaid maiguin son lea mielde. Dolin eai dáidán árvvoštit dáidaga nu bajás, vaikko dán áigge Davviriikkaid buoremus buktagiidda gullet dáiddalaš duojit dego Stieg Larssona beakkán Millennium -girjeráidu ja filmmat.

Dokumeanttas ádde buorebut man dehálaš luohti lei Áillohažžii. Diet boahtá ovdan Johs. Kalvemo dokumeanttas Váimmustan lea biegga muhto dás vel čielgaseabbon.

Bresky lea geavahan dokumeanttas muhtun osiin seamma filbmamateriála go Kalvemo iežas dokumeanttas. Geahčadettiin fuomáša duo ja dá ahte lea oaidnán oasážiid juo ovdal, muhto dat ii loahpas daga maidige. Oppalašvuohta lea buorre.

Tuore dokumentti Nils-Aslak Valkeapäästä

Skábmagovat elokuvafestivaaleilla näytettiin Gunilla Breskyn uusi dokumentti Son of the Sun.

Lämmin dokumentti muistelee edesmenneen taiteilijan uran merkitystä saamelaispolitiikassa ja taiteessa.

Muistuttaa tavallaan Johs. Kalvemon dokumenttia Tuuli käy läpi sydämein, mutta initiimimpi ja kokonaisuutena hyvä.


Kirjoita kommentti

Perustele, kirjoita selkeästi, älä vähättele ihmisiä, ÄLÄ HUUDA. Pysy aiheessa ja muista käytöstavat. Kommentit luetaan ja tarvittaessa muokataan ennen julkaisua.

Meillä on nollatoleranssi alatyyliselle ilmaisulle, henkilöön käyvälle arvostelulle ja vihamielisyydelle. Emme julkaise kommentteja, joiden ainoa sisältö on negatiivinen mielipide vailla perusteluja. Jätämme julkaisematta myös ne kommentit, joissa ei lainkaan piitata oikeinkirjoituksesta kuten isoista alkukirjaimista tai välilyönneistä.

Kiitos etukäteen rakentavasta kommentistasi!

Lue myös