Spirebuhtadusat eai leat doarvái
- Boraspiret dagahit vahágiid boazoolbmaide. Govven Veikko Väänänen
Eanan- ja meahccedoalloministeriija Jari Koskinen mielde dála dilis stáhta ruđat eai ola gokčat boraspiriid dagahan vahágiid buhtadeami.
Eanan- ja meahccedoalloministeriija sávaldat oažžut lasi ruhtadeami ii leat vel ollašuvvan. Vahágiid sturrodat čielgá guovvamánu loahpa rádjái.
Dálá stáhtabušeahtas lea várrejuvvon 4.3 miljovnna euro boraspirevahágiid buhtadeapmái ja sullii 95% dán summis geavahuvvo daidda vahágiidda, maid boraspiret dagahit boazodollui.
Guovllut mat gillájit vearrámusat spirevahágiin besset ng. “LEX Halla”-vulloš. Dát bálgosat leat boazodoalloguovllu nuortalulleoasis: Halla, Davvi-Salla, Oivanki, Alakitika, Näljänkä,Hossa-Irni ja Kallioluoma.
Dáin bálgosiin spiret leat speadjan badjel 3% bohccuin, mat leat eallo- ja njuovvanbohccuid oktasaš logus. Sinnjesii mákset duppalbuhtadusa spire goddin bohccos, danin go buot gorudiid eai sáhte gávdnat ja oassi dain bážašii buhttetkeahttá.
Buhtadussummi loktanan
Eanan- ja meahccedoalloministeriija guolle- ja fuođđoáššiid alladárkkisteaddji Jussi Laanikari lohká, ahte vahágat eai leat lassánan nu olu maŋemus jagiid áigge.
– Dán heajos buhtadusdillái lea váikkuhan ođđa bálgosiid šaddan LEX Halla vuollásažžan ja bohccobierggu árvu loktaneapmi badjel 20% maŋemuš golmma jagi áigge, muitala Laanikari.
Dan dihte šaddet máksit buoret buhtadusa ovtta bohcco nalde, vaikko stáhta ruhtadeapmi leage bisson sullii seamma dásis. Maid miessevahát buhtadusruđa lassáneapmi lea váikkuhan olles spirebuvttadansummái maŋemus jagiid áigge.
Buhtadusaid geahččalit máksit dan mannjel go leat rehkenastán loahpajagis dieđihuvvon vahágiid olles boazodoalloguovllus ja LEX-Halla bálgosiid olles diimmá vahágiid buhtadansummi.
Eanadoalloministeriija pláne lasihit návdebivdolobiid badjedoalloguovllus 18 lasselobiin. Geatkebivdinlobiid eai leat mieđihan 1980-logu mannjel, daningo lea áitatvulloš ealli, mii lassána hihtásit. Plánan sáhtálii leat sirdit getkkiid eret dain guovlluin gos dat dagahit vearrámus vahágiid boazobargiide, dadjá Laanikari
on.ja semmonen laki että et kuule arvakaan.tulee voimaan nyt 1.3. katoppa uutisia niin näet.ja on muuten sitten kova uutinen tästä laki jutusta.ny se sitte rutinat loppuu tyystin.
Ilmoita asiaton kommentti