Sámediggái ođđa stivra
- Sámedikki odda stivrra válljemis lei garra gilvu odne Sajosis. Govven Anssi Jokiranta.
Sámedikki ođđa stivrras leat dát áirasat: Klemetti Näkkäläjärvi ságadoallin Tiina Sanila Aikio vuosttaš várreságadoallin, Heikki Paltto nubbin várrejođiheaddjin. Iežá stivralahtut leat Petra Magga-Vars, Ilmari Tapiola, Asko Länsman ja Pirita Näkkäläjärvi.
Gilvu stivrabáikkiin
Čoaggámis jienaste stivrabáikkiin vuos Vuohču áirasis. Dasto jienaste njálmmálaččat, galgágo Ohcejohka fidnet stivrii guokte lahtu. Boađus lei guokte áirasa.
Anárašgiellagat eai ožžon ollenge stivrasaji, váikko bargo-ortnega mielde stivra galgá ovddastit sierra guovlluid ja giellajoavkkuid. Juvvá Lemet livččii gal leamaš válmmas soahpat olles stivrra válljemis, nu ahte giellajoavkkut maid livčče váldon vuhtii.
Eará stivrra válljemis šadde doallat bottuid, muhto soabalašvuohta ii gávdnon. Nuba šadde jienastallat.
Várreságadoallin namuhe ovttamielalaččat Tiina Sanila-Aikio ja Heikki Paltto Anáris

