Vuosttas nuortalašgiela čálli studeantaiskosis
- Ville-Riiko Fofonoff alttii pâ
acute;jjmätt acute;tõõtti tee acute;st  acute;vvlest. / Avvil logahaga oahppi Ville-Riiko Fofonoff álggahii studeantaiskosiid bearjadaga suomagielai
Dán giđa studeantaiskosat leat álgán. Dán jagi erenomašvuohta lea, ahte vuosttas geardde studeantaiskosis soames čállá nuortalaškiela iskosa.
Anár Garitjávrris orru Ville-Riiko Fofonoff čállá bearjadaga Avvila logahagas suomagiela iskosa, mii sutnje lea vierisgiela teasta.
Ville-Riiko aiddonas eatnigiela iskkus lea easka 28. beaivve njukčámánus, go dalle son geahččala čađahit eatnigiela iskosa nuortalašgillii.
– Studeantaiskosis šattan de čállit sihke suoma- ja sámegiela. Jearaldat leage, goabbá lea mu eatnigiella, Ville-Riiko dadjá.
Nuortalašgiela hállit sullii 350
Nuortalašgiela hállit Suomas leat sullii 350. Giela oahpahit Anáris goit Čeavetjávrri skuvllas, gos Ville-Riiko leage vázzán vuolle- ja badjedásiskuvlla. Čeavetjávrris doaibmá dasa lassin beaiveruovktoahkasaččaid nuortasámi giellabeassi.
Logahatskuvlla ”Fofonoovi” gárttai vázzit Avvilis. Dál nuortalašgiela oahppit leat Avvil logahagas su lassin golmmas. Oktas sis Ville-Riiko unnaviellja. Davvesámegiela čállit eanet, muitaladda Ville-Riiko Fofonoff.
– Eatnigiela diimmuid lean sáhttán čađahit suoma- ja nuortalašgillii. Eará oahpposurggiid lean gártan lohkat suomagillii, dasgo nuortalasgielat oahpaheaddjit eai gávdno.
Garitjávrris Ville-Riiko bearraša ruovttus hupmet eanas suomagiela, go eadni lea suopmelaš ja áhčči nuortasápmelaš.
– Suomagiela lea váldán ain eanet saji, dovddasta. Livččii váttis fáhkkestaga molsut nuortalašgillii ja hállagoahtit dan árgagiellan, son dovddasta.
Nuortalašgillii gávdno Ságat-oasis maiddái oanehas sáhka, man lea jorgalan sámás Katri Fofonoff Anáris.
