Sámeáššit uhcán ovdan Johkamohki dálkkádatkonfereanssas
- Sámefáttát eai lean olus ovdan dálkkádatkonfereanssas Johkamohkis. Sámeleavga goit lei bures oidnosis Oulu Poroferia-doaluin j. 2010. Arkiivagovva
Sámeáššit ja viidáseabbot álgoálbmotfáttát leat measta ollásit váilon riikkaidgaskasaš dálkkádat- ja biraskonfereanssas, mii dál lea nohkámin Johkamohkis Ruoŧa bealde.
Erenomážit sámiid bealde leat váillahan eamiálbmotáššiid ovdanbuktima njealjebeaivásaš dálvekonfereanssas, go gearddi dál leat čoahkkanan aiddo Sámis, muitala Ruoŧa sámeradio.
– Oppalaččat lean gal leamaš duhtavaš čoahkkaneapmái. Álgoálbmotperspektiiva dáppe ii leat dihtton nugo livččen vuordán, oaivvilda Jokkmokk Winter Conference oassálasti Berit Kristine Guvsám.
Sámi biepmut, Sáminuorra-searvvi ságat ja sámegovaid valljodat čoahkkima ruovttusiidduin lea addán olggos dan gova, ahte Johkamohki dálvekonfereanssa sisdoallu čatnašivččii sámiide.
Goittotge Johkamohki konfereanssa sámeguossit lea beahtahallan, go čoahkkima áigi ja báiki gal bidje vuordit álgoálbmotáššiid buoret oidnoma Johkamohki čoahkkimis.
Johkamohki dálveonfereanssa preassaovddaseaddji Liz-Marie Nielsen atná váidalahttin, jos sámebealli ii leat doarvái leamaš ovdan čoahkkaneamis. Son goit deattuha, ahte Johkamohke dálvekonfereansa lea ovddemustá dálkkádatčoahkkaneapmi.
SR sameradion
Hirbmat dehálas ahte sámegiella ná oidno prentejuvvon medias ja interneahtas maiddái. Mánát, nuorat ja buohkat ávkaSuvvet dán áSSis. Ja lasiha gierdevaSvuoda maiddái stuorraservodagas, go sámegiella ná oidno váldomedias Lappis.
Ilmoita asiaton kommentti